Mae gennym Sgyrsiau Cyd-gynhyrchu ar-lein bob deufis lle rydym yn rhannu'r hyn a wyddom gydag aelodau, a rhai sesiynau agored ar gyfer cynulleidfa ehangach. Cadwch lygad ar y cylchlythyr misol a hysbysiadau'r aelodau am restr o ddigwyddiadau!
Rydym wedi adeiladu platfform e-ddysgu sy'n cynnwys ein cyrsiau hunangyfeiriedig 'Hanfodion Cydgynhyrchu' a'n cyrsiau 12 wythnos 'Cydgynhyrchu a Chi' , ac rydym yn gyson yn datblygu briffiau newydd, hyfforddiant sgiliau meddal, a phecyn cymorth o ddulliau sy'n hygyrch i bawb eu hastudio ar gyflymder sy'n addas iddynt.
Rydym yn cysylltu ac yn rhannu ag eraill
Mae ein haelodau’n dweud wrthym eu bod yn gwerthfawrogi’r ymdeimlad o gymrodoriaeth a’r gefnogaeth maen nhw’n ei gael o fod yn rhan o’r gymuned ymarfer. Mae’n helpu gwybod nad ydych chi ar eich pen eich hun , a bod yna bobl sy’n rhannu eich gwerthoedd ac sydd hefyd yn credu mewn ffordd well o wneud pethau.
Mae ein digwyddiadau ar-lein yn bennaf, ond pan fo’n bosibl rydym yn hoffi dod â’r aelodau ynghyd yn bersonol – cadwch lygad ar ein cylchlythyr am y wybodaeth ddiweddaraf.
Rydym yn dylanwadu ar lunwyr penderfyniadau a pholisi
Fel cymuned, rydym yn dod â'n llais cyfunol i ddylanwadu ar newid gyda'n llunwyr penderfyniadau a pholisi, ac yn cyfrannu at lunio amgylchedd gwasanaeth cyhoeddus a pholisi galluogol yng Nghymru, fel y gallwn ni i gyd barhau i wneud mwy o gydgynhyrchu a chydgynhyrchu gwell.
Mae ein rhwydwaith wedi'i gysylltu â rhwydweithiau newid eraill o'r un anian, fel y Bartneriaeth Cymunedau Adnoddol . Rydym yn ymateb i ymgynghoriadau, ac yn mynychu rhai o gyfarfodydd Partneriaeth y Trydydd Sector a drefnir gan y WCVA: mae ein tîm yn gallu parhau i adrodd ar yr arferion a'r heriau diweddaraf ym myd cyd-gynhyrchu Cymru diolch i'r hyn rydym yn ei glywed gan ein haelodau.
Drwy ein prosiect 5 mlynedd a ariennir gan y Loteri Genedlaethol , rydym yn gweithio gyda 3 chlwstwr o Fyrddau Gwasanaethau Cyhoeddus i droi eu hymgysylltiad yn gyfranogiad ystyrlon, ymgorffori ymddygiadau cydgynhyrchiol, a thrawsnewid diwylliant.
“Bob wythnos, byddaf yn defnyddio un o’ch adnoddau, boed hynny’n dal i fyny â chyfres digwyddiadau Co-pro Dydd Llun, defnyddio’ch diffiniad i siarad am co-pro gydag eraill, neu edrych ar syniadau ar eich cronfa wybodaeth. Diolch i’r tîm am wneud co-pro mor hygyrch!” – Alex Congreve, Cymorth i Fenywod Caerdydd
